Өлеңдер ✍️

Әже, мен бүгін айналғам анаға,
Көре алмай кеттіңіз өкінем.
Қаншама уақыт өтсе де арада
Қазір мен мықтымын, бекігем.
Сіз жайлы ойланам, отырып түндерде,
Кешірші, жұмысым басымнан асады
Пенде емес, біз, әже, екенбіз құр кеуде,
Өзіме қарным ашады.
Жылаудан шаршағам,
Барлығы ауырады жанымның.
Рас айтам, кезім көп аңсаған,
Сені әже, өлердей сағындым.
Балалық шағым да есімде мәңгілік,
Ұмыту мүмкін бе, бал күнді.
Дауысың жадымда қалыпты жаңғырып,
Өкініш ішімді жандырды.
Білте шам, екеуміз жағатын кештерде,
Қоқысқа кетті ме таппадым.
Тау жақтан өңмеңдеп бір ызғар ескенде,
Байқадым сол кештің құлазып батқанын.