Өлеңдер ✍️

Жаны ауырмас біреудің біреу үшін,
Жанашырдың аздығын біледі ішім.
Жақсыларды жаныма жақын тартам,
Жақсы көре алатын жүрегі үшін.
Шын мейірімге шөлдегем, зарыға тым,
Жарық күннен мен емес жалығатын.
Сыймай кетіп өзіме
кездерім көп,
Мұңдарымды моншақ қып тағынатын.
Тазарғым кеп мен солай жылап алам.
Жылатады шындықсыз мына ғалам.
Бір-біріне кінә артып жүрген жоқ па,
Туғандар да бір әке, бір анадан.
Пенделер көп өмірде соры қалың,
Неге мұнша жүдеймін, қорынамын.
Күннің нұры жарқырап шыға келсе,
Жер де жібір қыстан соң тоңы қалың.