Өлеңдер ✍️

  13.05.2021
  272


Автор: Жұмекен Нәжімеденов

Көк балауса егілер...

Көк балауса егілер,
Көгерер-ау тал, шынар.
Тал, шынардан төгілер
Моншақ-моншақ тамшылар.

Сол моншақтай мөлдіреп,
Сол тамшыдай дір қағып
Мен қараймын елжіреп,
Сен қарайсың ұрланып.

Бұлттар, бұлттар, ақ бұлттар
Жайлайды ғой тау басын.
Дауыл да бар, дақпырт бар –
Бұлттар қайтып жаумасын!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу