Өлеңдер ✍️

  11.05.2021
  177


Автор: Ғафу Қайырбеков

Ғалиға

Елуге келер көп кісі
Еленбей елде бар, жоғы.
Секілді дала шоқысы
Иықтан асқан саржолы.
Қазылып жатыр қазақтың,
Жырында сайрап іздерің.
Өлеңнің отын маздаттың,
Жылуды бойдан үзбедің.
Болушы еді талайдан,
Еліне мағлұм бір шебер.
Өнерін қашан аянған,
Мұрасын ұрпақ сүйсе егер?
Сол шебердей өзіңді,
Тұтынып келдік біз — әрең.
Жүрегін, ыстық сезімді,
Ақылың бәрін дүзеген.
Құтты боп жарты ғасыр бұл,
Ағажан, жаса, өрге тарт,
Көбейген сайын жас бұлбұл,
Көбейе берсін бізде қарт!
Кездесер қиын жол тосын,
Көмекке зәру жастар бар.
Арқамызда мол болсын,
Ақала бас асқарлар!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу