Өлеңдер ✍️

  11.05.2021
  236


Автор: Ғафу Қайырбеков

Астанаға сәлем де

Аттанарда ауылдан
Қарап едім әжеме:
─ Қош тұр, ұлым, бар жылдам,
Астанаға сәлем де! —
Деді ол, күлді кей кісі,
— Үлкен адам бала енді!
Ұлы мұнда, әжесі
Кімге айтып тұр сәлемді!
— Астана да ана ғой,
Сәлем айтпан мен нағып?
Осы біздің балларды
Жатқан жоқ па сол бағып?!
— Дұрыс, дұрыс, — десті жұрт
Күліп тұрған әуелде,
Тұрды қос сөз естіліп:
«Астанаға сәлем де!»




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу