👈 қаріп өлшемі 👉

  Өлеңдер ✍️

  10.05.2021
  75


Автор: Ғафу Қайырбеков

Ленин шапағаты

Еркіндік атты арманға
Адамның қолы жетпеген,
Салауат айтып мал-жанға,
Тілдескен аспан-көкпенен.
Мыңдаған ғасыр көк қалғып
Олардың тілін ұқпаған.
Адамды адам кіріптар ғып
Бір-бірін езіп иықтаған.
Биіктеу тұрсам деуменен
Берілді қаннан мол құрбан,
Бір-бірін теуіп кеудеден,
Бір-бірін адам қор қылған.
Ленин жерде туды да,
Көзімен шолып көне елді,
Азаттық үшін бір мына
Күресті бастап жөнелді.
Не деген ғажап сол дәуір!
Үстіне елдің күн қонып,
Азаттық тиді қолға бір
Ал қызыл жалау ту болып.
Жыл сайын соны көтеріп
Биікке, сонау күн жаққа,
Жықпасқа туды серт беріп
Тұрамыз ылғи біз сапқа.
Масайрап менің ұлы елім,
Алғысқа толы алаң жақ.
Адамзат үшін Ленин,
Ленин үшін адамзат.
Ризалық айтып жатқандай
Болады ылғи маған бір.
Адамды адам даттамай,
Алақанға ұстар заман бұл!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы