Өлеңдер ✍️

  10.05.2021
  184


Автор: Ғафу Қайырбеков

Бір сәт

Тағы бір таң,
Талай болды атқалы,
Аспан дарқан
Күн табағын тартқалы,
Жаңа ғана
Сыр сырласып, жұптасып,
Екі ғашық
Жолға келе жатқаны.
Шықты жылан
Бір тасадан жолға кеп,
Көзінде қан,
Тілінде зәр, бойда кек.
Атқан таңға,
Ғашық жанға ызалы,
«Қас жақсылық,
Жолығарсың қайда?» — деп.
Келді бір сәт,
Осынау сәт кімдікі?
Яки жастар,
Яки сонау сұмдікі?
Таласқаны тіршіліктің бір сәті,
Таласқаны тіршіліктің бір кілті.
Кенет гүріл, шықты дыбыс ар жақта,
Бір машина қарамастан алды-артқа
Өте шықты, қасіреттің қамшысы —
Ұшты жылан, түсті барып аулаққа.
Өтті жастар,
Төңірегін күлдіріп,
Ойында жоқ еш жамандық,
Бір күдік...
Мен ойландым
Шіркін бір сәт жақсылық
Ылғи солай жүрсең-ау деп
Үлгіріп.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу