Өлеңдер ✍️
  10.05.2021
  156

Автор: Ғафу Қайырбеков

Айна тұма

Қалың бір көзден оңаша
Қапталда бұғып сен жатсың.
Айнаша десе айнаша,
Сүйкімді ғана бұлақсың.
«Сара» деп саған ат қойып
Сақтаған екен ел сүйіп,
Қара көзден от төгіп,
Қарады ма екен тесіліп?
Айнасы ма едің сен оның,
Көз жасымысың көп тамған?
Өнерімісің ел жанын
Мекендеп, ұзақ сақталған?
Үндемей ғана жатсың сен
Дегендей өзің танырсың.
Ғажайып махаббатсың сен,
Махаббат үндеп неғылсын!


  айна бұлақ Ғафу Қайырбеков Ғафу Қайырбеков шығармашылығы Ғафу Қайырбеков өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Ақсу ᐈ
  Ешкіөлмес ᐈ
  Алакөл аңызы ᐈ
  Қара торғай ᐈ
  Үшарал ᐈ

Пікір жазу