👈 қаріп өлшемі 👉

  Өлеңдер ✍️

  10.05.2021
  69


Автор: Ғафу Қайырбеков

Қуанамын

Ерекше маған мақтаныш,
(Мақтанатын орын бар)
Осынау ғажап аттаныс,
Осынау ғажап қонулар.
Даламда менің боп жатса,
Мақтанбас бұған қай ақын!
Туған жер шіркін о баста,
Жазбаған тегін қанатын!
Қыранның ғана даласы
Деп атаған оны әлем.
Өлеңнің жетсе шамасы
Даңққа соны орар ем.
Кеше де ұшты қос сұңқар,
Бүгін де соған қонды кеп.
Туған жер қалай болсын тар
Аспанға салса жолды көп!
Көбейсін сұңқар — жас талап,
Бәрі де сенің балаң ғой.
Сөйтсе де тұңғыш космонавт
Менің туған далам ғой!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы