Өлеңдер ✍️

  10.05.2021
  242


Автор: Ғафу Қайырбеков

Әнші

Құстай ғана денесі бар,
Гүлдей ғана ерні бар,
Құдіреттен дәмесі бар,
Пайғамбардан көңілі бар.
«Қыз болған соң сүйтеді ғой» —
Деп, асықпа, досым-ау!
Бір басына жетеді ғой
Бәрімізді асырау.
Күнде таңда көмейінен
Бал төгіліп «байғұстың» —
Бөліседі мерейімен
Әлдекімнің қайғысын.
Әулие еместер әулиемін — дер,
Шын әулие үндемес.
Қанаты асыл қайран өнер,
Еркелетер, күндемес.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу