Өлеңдер ✍️

  10.05.2021
  212


Автор: Ғафу Қайырбеков

Алтын бесік — туған жер

(ән)

Амансың ба, Аманның қарағайы,
Амансың ба, ақ терек, бала қайың?
Амансың ба, Жеті көл — жеті бота,
Тостағандай көзіңнен айналайын!
Алтын бесік — туған жер,
Айна сұлу - Жеті көл,
Сағынғанда келмесем
Сәбиіңді кеше көр!
Амансың ба, Аманның қарағайы,
Жан қарындас, бауырым, жан ағайын.
Бала перзент қарызың қанымдағы
Атынды атап, өзіңе ән арнайын.
Қабыл ал сен — туған жер,
Сол әнімді мендей көр,
Сағынғанда шырқасын
Самал желге айтып бер.
Амансың ба, Арқаның cap даласы,
Асау Тобыл соғылған жарға басы.
Амансың ба, аққулар — күй қанаты,
Амансың ба бұлбұлдар - ән бабасы.
Ән сәлемім қабыл ал,
Бұл аз болса — тағы да ал,
Туған жердің төсінде
Әнмен қанат қағыңдар!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу