Өлеңдер ✍️

  10.05.2021
  145


Автор: Ғафу Қайырбеков

Тайырды тағы да еске алу

Қойылды бір ат көшеге,
Шықты бір өлең кеше де, –
Осының бәрі –
«Бұл қалай?» - деген сұрақтың
Мағнасын, сірә, шеше ме?
Жар салар менің
Күнде бір дауыс кеудемде,
Қалмайды ол кейін
Түнде де түстер көргенде,
«Бұл қалай болды?» –
Деген сол сұрақ – қалмайды
Кеңсеге таңнан келгенде.
Тым шапшаң кету,
Байқатпай кету –
Ең соңғы рет
Жақсылық ету –
Осы ма?
Ендеше сонау сұрағын
неге қоймайды
Ең соңғы серік,
ең соңғы жігіт досына?!
...Тірінің жатыр
Созылып әлі жолы алда.
Әлгі бір сұрақ –
Орыны сірә толар ма?
Ақырғы оның
Тірлікті қимас дауысын,
Жүрегім ұзақ ұстап та
қалған болар ма?




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу