Өлеңдер ✍️
  09.05.2021
  252

Автор: Ғафу Қайырбеков

Мектебім

Қолыма ұстап хат, қалам,
Балалық жүзбен сүйкімді.
Босағаңнан аттағам,
Бөліп тұңғыш ұйқымды.

Алғашқы бір жазуым,
Есімі қамқор көсемнің.
Жанымның тауып азығын,
Жарқырап, күліп өскенмін.

Балалық атты бір досты
Шығарып салдым партаңнан.
Жастығым маған гүл тосты,
Аялап қағып арқамнан.

Көрсем сені осы күн,
Түседі еске жаңарып,
Алғашқы сол жазуым,
Алғашқы дос - балалық!


  мектеп Қалам хат Ғафу Қайырбеков Ғафу Қайырбеков шығармашылығы Ғафу Қайырбеков өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Еске алу ᐈ
  Жігіт ᐈ
  Орал ᐈ
  Майшы бала ᐈ
  Жылқышы - депутат ᐈ

Пікір жазу