👈 қаріп өлшемі 👉

  Өлеңдер ✍️

  09.05.2021
  55


Автор: Баубек Бұлқышев

Су сұлуы

Гүрілдеп тәкаппар су тулап, тасып.
Шайқалып арнасынан лықсып асып,
Түнерген, тор жамылған түн ішінде,
Булықты, ашуланып асып-сасып.
Тулаған толқын толқып гүрілдейді,
Басқа ызың су үнінен білінбейді.
Толқындап иреңдеген асау арда,
Қыз емшек шықпай асып дүрілдейді.
Көпіріп көбік шашқан бура құсап,
Булығып, арпалысып, буып тұсап,
Артыла иығынан бір-бірінің
Бұралып, асып келіп, жайып құшақ.
Түнерген тас қараңғы түн ішінде
Тасқынға келдім төніп су ішуге.
Керемет долы толқын көкке шапшып
Тым ірі екен ерсі өз күшінде.
Еңкейіп, суға ұмтылдым ішпек болып,
Алмаққа сусап келген, қанып тойып,
Алдымнан сонда бір қыз қарсы шығып,
Жүректі тітірентті түсі суық.
Жүрегім суылдады пері ме деп,
Қашаннан ғашық болып жүрген іздеп.
Дегенмен күлім қағып сып-сыпайы,
Мезетте денесіне киді желек.

1939


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы