Өлеңдер ✍️

  06.05.2021
  43


Автор: Әбділда Тәжібаев

Кезегі күзеттің

Тірліктің қадырын жас сабаз білген бе,
Нe жетсін жарықта жер басып жүргенге.
Зардабы жазым қып кетпесін дейміз де
Қазір біз қашамыз ащылау тілден де.
Қынжылып көріп пе ек қарнымыз ашқанға,
Қиналып көріп пе ек қиындық басқанға,
Жас шақта таяққа жығылып жатсақ та
Жанымыз шарқ ұрып жүретін аспанда.
Біз қазір кенелдік керемет ақылға,
Қызығы қоймайды батыл мен батырға.
Тал түсте оп – оңай жүреміз,
Кәдімгі таныс жол теп – тегіс тақырда.
Жас сабаз күледі сужүрек шалдарға,
Күле бер, қарғашым, тек ұзақ алданба.
Асықпа ақылың сенің де толады
Кезегі күзеттің өзіңе барғанда.



Мақала ұнаса, бөлісіңіз:


Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы