Өлеңдер ✍️

  06.05.2021
  277


Автор: Әбділда Тәжібаев

Өзім туралы

Атаққа мен алданбадым,
Ақшаға да жалданбадым.
Қарным тойса паңданбадым,
Қарным ашса қорланбадым.
Көргенім көп бала жастан,
Кешіргенмін бәрін бастан.
Өстім солай айнымастан,
Бір мінезден айрылмастан.
Жақсы-ақ емес өзіңді айту,
Есте қалған кезіңді айту
Кейде еріксіз мақтанасың,
Өсекшіден ақталасың.
Көрем өзім - өз күнімді,
Білем өзім - өз құнымды.
Тозған пышақ сияқтымын,
Кеспей қалсам ұяттымын.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу