Өлеңдер ✍️

Әркім айтар өз әнін өз даусымен,
Көңіл күйін бөлісер сырласымен.
Біреу жақын өзіндей бақыттымен,
Біреу жақын мұңдасы, құрдасымен.
Біреу епті өмірде, біреу епсіз,
Жай ғана адамдар бар кереметсіз,
Айқайсыз - ақ өз ойын айтатын бар,
Тыңдап болмай, оған сіз не демексіз?
Тыңдайықшы, әркімді көлбеңдемей,
Бұл қалайша дүниеге келген демей.
Бөтенсің деп бәріне ұрса берсек
Туған да өгей болмай ма, өлген де өгей!