Өлеңдер ✍️
Өлеңдер ✍️
11.05.2026
130
Тағдырға хәкім жоқ
Түсіме кіріп күнде жарқырайсың,
Сағыныштан жанымды таусылмайсың.
Сол түсте мәңгілікке қалғым келе,
Сенсіз өмір - қағылған суық шеге.
Естайша мен де бүгін жыр толғайын,
Өзге жанның киесі боп қонсаң-дағы.
Жазған әр әнімнің сен иесі бол,
Тағдырға хәкімім жоқ, болса да мұңы…
Бұл бір дерт - дауасы жоқ, шарасы жоқ,
Жанымның сенен өзге панасы жоқ.
Дертім де, дәрім де - Сен, шырағым-ау,
Жүректің сенен басқа таңдауы жоқ.
Назира мен Тоқтарды жыр қылайын,
Қиындықта сезімі лаулаған-ды.
Күтуден Назира еш шаршамады,
Үміті тек Тоқтарда жалғанған-ды.
Сүйіп өтем, тоқтатпай бұл үнімді,
Сағынышқа арнадым әр күнімді.
Өзіңмен бірге ала кетсем деймін,
Қабірдің түбіне дейін бұл мұңымды….
•Саутбек Нұрай
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇