Өлеңдер ✍️

Өнер жасасын!

Маған атақ

Мемлекеттік сыйлық алу - бақыт па?
Әкімдіктен құрмет көру - жақұт па?
Атақтардың бәрі боқ боп қалады,
Дәм-тұзымыз таусылған бір уақытта.

Медаль, орден, алғыс хат та - далбаса,
Өз жүрегің асыл жырын жазбаса.
Мадақтама алғаныңнан не пайда?
Елің үшін еңбегің еш жанбаса.

Басқаларды білмеймін,
Ешқайсысын назарына ілмеймін.
Атақ үшін дақ түсіріп арыма,
Ешкімнің де көтеніне кірмеймін.

Маған атақ - аталардың батасы,
Батасыздан биік еді баталы.
Маған атақ - "Ақын балам!" деп сыйлап,
Әз аналар беттен сүйіп жатады.

Маған атақ - сыйлағаны халықтың,
Теңегені тұлғасына алыптың.
Маған атақ - қошеметі Алаштың,
Қолдауына әрқашанда ғашықпын.

Міне, маған керегі,
Халық өзі бағасын да береді.
Бүгінгінің күлкісі боп қорлансам,
Менің жырым - болашақтың дерегі.