Өлеңдер ✍️

Әйелге мейірімді үйіп берген,

Бау-бақшасын тәнті етіп, жиып берген.

Көрік берген, өн бойына көркем етіп,

Нәзіктігін қылдай ғып, құйып берген.

Әйелді сүю керек, сүю керек,

Ес-түссіз ғашықтықта күю бөлек.

Бар қалауын сезініп қымбат жанның,

Жан жылуын жүрекпен ұғу керек. 2-рет

Өмірдің қызғалдағы гүлі сынды,

Өмірдің шуақ шашар нұры сынды.

Әйел деген үйінді үлбіреткен,

Өрге тартқан бақ-береке, ырысынды.

Әйелді сүю керек, сүю керек,

Ес-түссіз ғашықтықта күю бөлек.

Бар қалауын сезініп қымбат жанның,

Жан жылуын жүрекпен ұғу керек.

Әйел-бағың, абыройың, сенімің де,

Асыратын беделін ерінің де.

Әйел деген ұйтқысы ол қашан дағы,

Шыңға шығар ер-азамат төрінің де.

Әйелді сүю керек, сүю керек,

Ес-түссіз ғашықтықта күю бөлек.

Бар қалауын сезініп қымбат жанның, 2-рет

Жан жылуын жүрекпен ұғу керек.

   Айтбек Рымбекұлы Әліпов, Астана қаласы,

12 ақпан 2025 ж.