Өлеңдер ✍️

  06.07.2024
  65


Автор: Жібек Ысқақова

Астанамыз — Астана


Қазағымның жүрегі,
Еліміздің тірегі
Астанамыз — Астана,
Бүкіл әлем біледі.

Сарыарқаны бойлаған,
Қоныс тойын тойлаған.
Астанамыз Астана,
Шаттық күйі ойнаған.

Қаласы бұл жастардың,
Биік шынар, асқардың.
Астанамыз — Астана,
Сен деп өлең бастадым.

Ғимараттар сән құрған,
Барша адамды таң қылған.
Астанамыз — Астана,
Әр күн сайын жаңғырған.

Айдай жүзің жайнаған,
Көз тартады айналаң.
Астанамыз — Астана,
Басынан бақ таймаған.

Еуразия кіндігі,
Ынтымақты ел, бірлігі.
Астанамыз — Астана,
Қайнап жатқан тірлігі...

Мойындатқан әлемді,
Көрінісі дәлелді.
Астанамыз — Астана,
Қызықтырған сан елді.

Астанамыз — Астана,
Қанат жайған — Жас қала.
Отан үшін, ел үшін,
Жарқырай бер — Бас қала!

Жібек Искакова






Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу