Өлеңдер ✍️

Өміріңе мән беріп, сән беретін,
Бір ғажайып күй сыйлар бала деген.
Бұл өмірдің жалғасы, болашағың,
Жанданады ғажайып, баламенен.

Жаз айының алғашқы күні осы,
Бірінші маусым баланы қорғау күні.
Балаларға арналар жақсы тілек,
Қуанышта шықсын деп бала үні.

Мереке қып тойлайтын күн ерекше,
Балаларды ойнатып, қыдыртып біз.
Балғын шағы бала кез қуанатын,
Ертеңіне баланың қалдырып із.