Өлеңдер ✍️
Өлеңдер ✍️
10.02.2023
187
Әдемі түн
Әдемі түн,
Көңілімнің сен аштың әрең бұлтын.
Осы түн ғой біздерді жолықтырған,
Осы түн бір құдірет әлде мүмкін.
Көңілімнің еткендей елігі елең,
Түн жамылып, тыншымай тебіренем.
Жымың-жымың етеді жұлдыздар да,
Тұрған шығар қызғанып сені менен.
Бетімді ұрып қып-қызыл оттың лебі,
Дәл осы түн сезбедім өптім нені?
Әдемі түн, сен неткен сұлу едің,
Іңкәр қылып өмірлік кеттің мені.
Әлеуметтік желілерде бөлісіңіз:
Facebook | VK | WhatsApp | Telegram | Twitter