Өлеңдер ✍️

  09.02.2023
  93


Автор: Еділбек Дүйсен

Оқу

Ақыл — ойдан саз ұғамын,
Жырға толып тылсым бағым.
Кітап атты қазынаның,
Бұлағынан сусындадым.

Оқу деген — көңіл кені,
Оқығанның, жүзінде — нұр.
Жетелейді сені ілгері,
Білімдінің ізінде жүр.

Кездеседі, кедергі — мұң,
Өмір — жолда, жүгің ауған...
Қиындықпен келер білім,
Су алғандай шыңыраудан.

О, бауырым, осыны аңғар,
Тұрсын десең, күнім күліп.
Опынбайды оқығандар,
Байлық көзі — білімділік!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу