Өлеңдер ✍️

  08.02.2023
  356


Автор: Дәулетжан Махмұт

Көлеңке


Көз алдым тұман,


Көңілім жапырақсыз ағаш.


Елемей кетіппін іңірді иіліп тұрған.


 


Толған ай төбемде тұр,


Өлі сәулесі өне бойымды қалтыратып...


 


Көл жағасында жалғыз отырмын,


Ескексіз бос қайық жылжып барады.


 


Дірілдеп тұрған ай сағымы ақ қағаз сияқты,


Көл бетінде бос қайық, ақ қағаз,


Жотамды бір ыстық алау шарпыды.


Үрей, күз,


Түнжыр көл


Қалтырауық жапырақтар…





Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу