Өлеңдер ✍️

Жүрегімді сағыныш мұң басады, 

Жүрегім тек өзіммен мұңдасады.

Мен сені түсінемін мұңды жүрек, 

Ал мені кім түсініп сырласады?

Бірге жылап,  қуанып күлетін де,

Жалғыз сенсің жан сырымды білетін де.

Менімен өле-өлгенше бірге болып,

Сен ғана бірге өмір сүретін де.

Кір шалмаған бойдағы аппақ ардың, 

Жүрегінің жартысы адал жардың.

Иесі таза, арлы махаббаттың,

Бәріне куәсің сен менде бардың.

Батқан күн, атқан арай таңдарымның,

Тілекшісі ет жақын жандарымның 

Соға бер, тоқтай гөрме ғұмыр сағат, 

Шұғылалы шуағы боп жан-жағымның!