10.01.2023
  311


Автор: Жәди Шәкенұлы

МЕЗГІЛДЕР

Қаңтар деген немене,
Қар мен мұзды елеме.
Ақпан келсе ақырып,
Аяз ұрар денеңе.
Наурыз келді наз келді,
Көңілдерге саз берді.
Сәуір келді жаз келді,
Қоңырала қаз келді.
Мамыр келді май келді,
Жер құлпырған ай келді.
Маусым келді мәз етіп,
Атам маған тай берді.
Шілде келді су қызды,
Бізге балық қуғызды.
Тамыз келіп тамаша,
Бақтан жеміс жұлғызды.
Қыркүйекте мектепке,
Асығамыз жетпекке.
Қазан келді қаз ұшты,
Жылы жаққа кетпекке.
Қарашада қалтырап,
Сарғаяды атырап.
Желтоқсанда жел соғып,
Суық қысты шақырад.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу