👈 қаріп өлшемі 👉

  Өлеңдер ✍️

  02.12.2022
  140


Автор: Гүлсім Сатыбалды

Талпыныңыз ренжімей..

 


Біреулердің тілінде жоқ керім үн,
Болмаса да, біреудің өткелі мұң.
Толмайтұғын көңілі ештемеге,
Жұлдызы жоқ, көп пенде, көктемінің?!


Мін тағуда, боламыз арайлы адам,
Өзімізді көрмейміз шарайнадан.
Сөз дегенің, сырыңның хабаршысы,
Ауырудан алыстар, абайлаған!


Берген Алла, мінезді тал бойыма,
Дейміз тағы тіл берген таңдайыма.
Жамандықты өзіміз жасап алып,
Тағдыр дейміз, жазылған маңдайыма.


Тағдыр екен, денсаулық, өлім деген,
Басқа бәрін жасайсың қолыңменен.
Алла заңы осылай, үкімінде,
Дұрыс болар, иеңнен, бөлінбеген!


Жыламаңыз, тек біз деп, жарымаған,
Дарымайтын дүние дарымаған.
Талпыныңыз, ренжімей жақсылыққа,
Жаратпаған бастысы жарым адам….!


 


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы