Өлеңдер ✍️
Өлеңдер ✍️
06.10.2022
80
КӨБЕЛЕК
Шам шапағын қуалап,
Көлеңкеңмен ойнайсың.
От көзіңді дуалап,
Тек өзіңді ойлайсың.
Саған сенген көлеңкең
Жарысады өзіңмен.
Ал өрмекші тор керген
Аңдып отыр төзіммен.
Қараңғы бір бұрыштан
Торын жайып келеді.
Көлеңкеңмен жарысқан
Жолыңды тосып төнеді.
Үлгірмедің қас қағып,
Кенет айқас басталды.
Отырды да бас бағып,
Жыртқыш сені бассалды.
Тағдырыңмен неге бұл
Ойнадың сен кеселді.
Ойнамады ал өмір,
Ах, көбелек! Кеш енді!
Әлеуметтік желілерде бөлісіңіз:
Facebook | VK | WhatsApp | Telegram | Twitter