Өлеңдер ✍️

Көктен болды ма?
Жерден болды ма?
Күннен болды ма?
Түннен болды ма?
Күлден болды ма?
Судан болды ма?
Таң алакеуімнен болды ма?
Тал түстен болды ма?
Екінтіден болды ма?
Бейуақтан болды ма?
Күнбатыстан болды ма?
Күншығыстан болды ма?
Сұм тілден болды ма?
Сұқ көзден болды ма?
Жаман қоңсыдан болды ма?
Жылан қамшылардан болды ма?
Су жағалай отырғандардан болды ма?
Әуеге ұшқандардан болды ма?
Ұшқан құстан болды ма?
Жүгірген аңнан болды ма?
Түрілген іргеден болды ма?
Ашылған түндіктен болды ма?
Уілдеген үкіден болды ма?
Көрсұңқылды байғыздан болды ма?
Таудан болды ма?
Тастан болды ма?
Астан болды ма?
Настан болды ма?
Оңынан болды ма?
Солынан болды ма?
Төбеден болды ма?
Табаннан болды ма?
Ту сыртынан болды ма?
Қарсы алдынан болды ма?
Толған Айдан болды ма?
Құйрықты жұлдыздан болды ма?
Қараусыз қорымнан болды ма?
Қой баспас орыннан болды ма?
Шүңірек көз кемпірден болды ма?
Шоқша сақал шалдан болды ма?
Жалғыз талдан болды ма?
Ғайыптан болды ма?
Жазмыштан болды ма?
Көрген түстен болды ма?
Керуен көштен болды ма?
Кірген кештен болды ма?
Теріскейден болды ма?
Күнгейден болды ма?
Кезбе желден болды ма?
Шемен- шерден болды ма?
Сыңсыған шиден болды ма?
Сынық күйден болды ма?
Көне жұрттан болды ма?
Көшкен бұлттан болды ма?
Қарс айырылған құсадан болды ма?
Өзек жарған өксіктен болды ма?
Жалқы түп жусаннан болды ма?
Ерек түп ерменнен болды ма?
Мұздаған ошақтан болды ма?
Қаңсыған қазаннан болды ма?
Құбылған оттан болды ма?
Шоршып ойнаған шоқтан болды ма?
Қара қобыздан болды ма?
Мыс сырнайдан болды ма?
Аузы түкті кәуірден болды ма?
Адасқан доңыздан болды ма?
Сылдырмақ шеңгелден болды ма?
Жалғыз аяқ сүрлеуден болды ма?
Керегенің көзінен болды ма?
Кезегеннің кезінен болды ма?
Қолтығын сөкпеген құлыннан болды ма?
Бауырын жазбаған ботадан болды ма?
Қағыс тиген қатадан болды ма?
Әйел берген батадан болды ма?
Шапшып аққан қаннан болды ма?
Теріс атқан таңнан болды ма?
Мағырыптан машырыққа көш!
Машырықтан мағырыпқа көш!
Сүф, сүф…