Өлеңдер ✍️
Өлеңдер ✍️
02.10.2022
96
БОСТАНДЫҚТЫҢ АЛҒАШҚЫ КҮНІ. ЖАЛҒЫЗДЫҚ.
СССР – жоқ!
Қалайша?!
(Жан-халім ұқ!)
Тұрып қалдым аң-таң боп,
сәл қамығып.
Жалтақтаймын жан-жаққа,
бір-ақ сәтте
Үйсіз қалған адамдай,
аңтарылып.
Бақ па, сор ма?! –
басымнан ұшқан бүгін,
(Жарты жолда қалғандай басқан жүгім).
Ұшарымды –
білмеймін –
қонарымды,
Осындай ма ең,
оңай ма ең,
БОСТАНДЫҒЫМ!?.
Ұқтырып тұр
шыққан Күн,
аспан нені?! –
Қарап тұрып көзіме жас келгені...
Ескі үйімнің есігі мәңгі жабық.
Жаңа үйім жоқ...
О, Құдай, ескер мені...
Әлеуметтік желілерде бөлісіңіз:
Facebook | VK | WhatsApp | Telegram | Twitter