Тілеуғазы Бейсембеков

Тілеуғазы Бейсембеков (1942 ж.т.) – ақын, жазушы, журналист. Алматы облысы, Бөрлітөбе ауданы, «Прибалхаш» кеңшарында туған.

1968 жылы Құрманғазы атындағы Алматы мемлекеттік консерваториясын бітірген. Қарағанды қаласында облыстық арнайы орта музыкалық мектеп-интернатта директордың орынбасары болып қызмет атқарады. «Алғашқы кітап» (1979), «Адалдық» (1982), «Қыңыр лақ» (1985) өлең кітаптары жарық көрген және бірнеше ұжымдық жинақтарға өлеңдері енген. КСРО Оқу министрлігінің Құрмет Грамотасымен марапатталған.