Фариза Оңғарсынова (Дей алмаймын "жиынның жұлдызымын")

 Фариза Оңғарсынова (Дей алмаймын "жиынның жұлдызымын")

Дей алмаймын "жиынның жұлдызымын",
Қуып жүрген бір жанмын жыр қызығын.
Сезім нәзік, ой жүйрік, кейде кекшіл,
кейде жарқын қазақтың бір қызымын.
Сырт адамға сыр бермес жұмбақтаумын,
достарыма аяулы қырмызымын.
Бозбаланы көргеннен ғашық қылған,
естісем деп лебізін асықтырған,
мақтана алман, менде ол қылық та жоқ,
бұған бірақ қымсынып, жасып тұрман.
Жігіттерге өзім де қызықпаймын
көре сала құшағын ашып тұрған.
Жетелейді жанымды арман-ағын,
жолдастарды мақсатпен таңдамадым.
Бүгін жақын, ертең жат адамдардың
мінезіне, мәніне таң қаламын.
Онсыз да өмір құбылғыш,
сезім де оңса,
онда сенің адамдық бар ма мәнің?!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі