Жандарбек Бұлғақов (Арақ пен Ар)

 Жандарбек Бұлғақов (Арақ пен Ар)

Қайтайын деп шараптан қанып ішіп,
Тойға келді бір АДАМ алып ұшып.
"Тойда ішсең айып жоқ"- деп қояды,
Туыстармен кездессең сағынысып.

Кастьюмы бар үстінде ең əдемі,
Басында бұл тəп-тəуір АДАМ еді.
Бөтелкеге сыйғанмен адамдарға,
Сыймайтын арақ неткен жаман еді.

Басы айналып сəлден соң миы кеуіп,
Бірте бірте барады сыйы кеміп.
Əркімге бір əзілдеп ыржалаңдап,
Отыр енді МАЙМЫЛДЫҢ күйіне еніп.

Қатты сөйлеп ешкімнен намыстанбай,
Арақты емес ақылын тауысқандай.
Айналада отырған адамдарға,
Ақыруды бастады АРЫСТАНДАЙ.

Ақырған соң қашты əне дос қасынан,
Нағылам деп жуысып босқа осыған.
Жерге жатып ендігі аунағаны,
Аумағаны орыстың ШОШҚАСЫНАН.

Айуан болды басында АДАМ еді,
Қайда қалды кастьюмы ең əдемі.
Бүйрек пенен бауырдан түк қалған жоқ,
"Денсаулық үшін" ішіп не бар еді?!

Харам тойды Жаратқан жақтырмайды,
Ішкен жанның басында бақ тұрмайды.
Есте сақта адамзат, арақ деген
АРЫҢЫЗДЫ ешқашан АҚ қылмайды

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі