Бақытгүл Бабаш (Шербет пе екен бұл сезім.....)

 Бақытгүл Бабаш (Шербет пе екен бұл сезім.....)

Шербет пе екен бұл сезім, шекер ме екен,
Басымнан бұл-бұл ұшып кетер ме екен?
Санама сіңіп қалған есіміңді
Ұмытуға ғұмырым жетер ме екен?

Жан азабын айта алмай бір адамға,
Жарылуға шақпын мен, кінәлама.
Сен сүйеу болса дегем, мына тайғақ
Тағдырымнан сүрініп құлағанда.

Көңіл қалып, оранды төзім кебін.
Сеніп ем: өлең дедім, өзім дедім.
Махаббат па, басқа ма, айырмадым
Жарық күнде зағип боп көзім менің.

Алданышым, арманым, аңсарым ең,
Сезімнің таба алам ба сарсаңына ем?
Қалықтата алмасаң, қанатымды
Қия салшы. Шаршадым. Шаршадым мен...

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі