Темірхан Медетбек (Саған)

 Темірхан Медетбек (Саған)

Жалғыз өзің бар дертіме дауадай,
аппақ нұрын құйып саған ауады ай.
Жеп-жеңілсің желпіп соққан самалдай,
жеп-жеңілсің тынысымдай, ауадай.

Сені көрсем ескермей жан азасын,
ұмытамын қатал тағдыр жазасын.
Сылқ-сылқ күліп ағып жатқан шымырлап,
судай мөлдір, судай сұлу тазасың.

Шақырсаң сен - құс болам да ұшамын,
ұмытамын не екенін құсаның.
Күйдіретін, жандыратын, өртейтін
күндей ыстық, күндей ыстық құшағың.

Жырлатса өмір - сені маған жырлатсын.
Асылымдай, ардағымдай қымбатсың.
Жер сияқты қарапайым кәдімгі,
Жер сияқты қатпар-қатпар жұмбақсың!

Астан-кестен етіп тымық кезімді,
ажар бейнең қарып кетті көзімді, -
Су мен Ауа, Жер менен Күн бірлесіп,
Осы қазір жаратқандай өзіңді.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі