Кенен Әзірбаев (Базар-назар)

 Кенен Әзірбаев (Базар-назар)

Зарланасың, ақ ешкі, лағыңа,
Емшегіңнен емізген шырағыңа.
Кел, екеуміз қосылып бір жылайық,
Жетер ме екен Тәңірдің құлағына.

Қайырмасы:
Жалған, дүние-ай, салдың күйге,
Омырауымнан үзіліп түсті,
Екі түйме, ой, дүние-ай!
Базарым-ай, Назарым-ай,
От басында күл шашарым,
Қарағым-ай, ой, дүние-ай!
Базарым-ай, Назарым-ай,
Қу шешектен болды сенің,
Ажалың-ай, ой, дүние-ай!

Бала деген адамға балдай екен,
Сөйлесе тәттілігі жалдай екен.
Арып-ашып алыстан келгеніңде,
Мойыныңа асылып алдайды екен.

Қайырмасы.

Мәтібұлақ жолымен ел өтеді,
Жалаң қабат шапаннан жел өтеді.
Керектігін баланың мен айтайын,
«Қу бас» десе біреудің сөзі өтеді.

Қайырмасы.

Мәтібұлақ жолымен ел көшеді,
Екі ағайын ұрысса «сен» деседі.
Ер жігіттің баласы өле берсе,
Жанып тұрған шырағы демде өшеді.

Қайырмасы.

Көштің көркі болмайды түйесі жоқ,
Таппай айтқан сөз жаман жүйесі жоқ.
Бірте-бірте баламды ала бердің,
Домбырамның қала ма иесі жоқ.

Қайырмасы.

Ешкі қандай байқасаң, лақ қандай,
Лақ ойнап тезекті құлатқандай.
Көптің көңілін көп ашқан бұлбұл едім,
Мен жаздым Тәңірге жылатқандай.
Қайырмасы.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі