Қазақстандық компания бағасы $14 мың тұратын конфет шығарды (видео)

Алматыда қазақстандық The Ross Limited компаниясы 14000 доллар тұратын қымбат бір қорап конфет ұсынды деп хабарлайды Қазақпарат.



Шоколадтың әр тілімі таза жанартаулық шыныдан жасалған алты бұрышты қорапшаға салынған. Коллекцияда түрлі геометриялық пішімдегі 6 тілім бар. 585 сынама алтынмен безендірілген.

Оның 4 қыры отты, 8 қыры ауаны, текшесі – жерді, 20 қыры суды және дөңгелек – бос кеңістікті білдіреді.

Шоколадтың мың данасы шығарылғаны хабарланып отыр.

Кондитерлердің бұл конфетті шығаруына Вивьен Ли, Мэрилин Монро және Одри Хепберн жұлдыздары әсер еткен.

Алтынмен көмкерілген қораптың жоғары сапасы нарықтық құнын 14 000 долларға дейін көтеріп жіберді.

The Ross Limited компаниясының негізін қалаушы – 23 жастағы Әділхан Сартаев.