Жандарбек Жұман (Қарындасым)

 Жандарбек Жұман (Қарындасым)

Өзгеше боп аттып тұр ақ таң бүгін,
Сиқыры мол сезімнен сақтанды кім?
Біртүрлі күй сыйлады мына маған,
Қолыңа сақинаны таққан күнің.
Қинап жатыр жанымды,қарындасым,
Ұзатылып бара жатқандығың!

Сұлу қыздың бірі едің елімдегі ең,
Отау құрып жатырсың теңіңменен.
Бар тілекті сыйдырып бір қаламға,
Сенің үшін арналып, өрілді өлең.
Кеше ғана кішкентай қыз едің-ау,
Бүгін міне ат алдың «келін» деген.

Сыңарыңа бұл тағдыр қосқан әкеп,
Махаббатың борышын тастады өтеп.
Дәл осындай бақытты кезді көріп,
Көздерім қуаныштан жасқа кетед.
Біз екеуміз әке-анамыздың,
Бар байлығы,бақыты,қос қанаты ек.

Жақсылыққа жолдас боп, жақтады үнің,
Байқалады шаттық та, бақ та бүгін.
Сүйгеніңмен мәңгілік бірге болғын,
Сендерге жолдас болсын Хақ Тәңірім!
Әкеміз бен аяулы анамыздың,
Ақ үмітін әрқашан ақта,күнім!

Құшағын тәтті сезім жайыпты шын,
Алдымызды болмаған айыпты ісің.
Құтты болсын жаулығың,қарындасым,
Бақытты бол! Бақытқа лайықтысың!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі