Головкин Монроны алтыншы раундта нокаутпен жеңді (видео)

Головкин Монроны алтыншы раундта нокаутпен жеңді (видео)

WBA (Super), IBO және WBC (Interim) нұсқалары бойынша бокстан орта салмақтағы әлем чемпионы отандасымыз Геннадий Головкин спорттық мансабындағы 33-ші кездесуін жеңіспен аяқтады. Қазақстандық боксшы АҚШ-тың Калифорния штатында кіші Вилли Монроны алтыншы раундта техникалық нокаутпен жеңіп шықты.

Бірінші раундтан бастап-ақ қарсыласын ауыр соққылардың астына алған GGG америкалық боксшының адымын аштырмады. Ал екінші раундта екі рет қарсыласын нокдаунға жіберді. Бірақ Вилли Монро кездесуді жалғастыруға қауқары жететініне бас шұлғып, кездесуді жалғастырды. Төртінші, бесінші раундтарда америкалық боксшы бар өнерін салуға мүмкіндік алды. Генаны сұлатып салмаққа да бекінген болатын. Бірақ бұл беталысынан нәтиже шықпады. Кездесу соңынан GGG бұл раундтарда қарсыласына мүмкіндік беріп, көрермендерге тартысты жекпе-жек көрсетуді ойлағанын жеткізді.

Геннадий Головкин алтыншы раундта Вилли Монроны нағыз қыспаққа алды. Оның үсті-үстіне бағыттаған соққыларына америкалық боксшы төтеп бере алмады. Нәтижесінде Вилли Монро бас қазы Джек Рейске жекпе-жекті жалғастыра алмайтынын мәлімдеді.

Кәсіпқой бокста еліміздің абыройын асқақтатын жүрген Геннадий Головкин осыған дейінгі өткізген кездесулерінен жоғары сыйақы алады. Отандасымызға - 1 500 000, ал Вилли Монроға 100 000 АҚШ доллары табысталатын болады.



Жеңіс соңында HBO тілшісіне берген сұхбатында GGG: «Келесі қарсыласым Сауль Альварес пен Мигель Котто арасындағы жекпе-жектің жеңімпазы болады», — деді. Осыған дейін белгілі болғандай, қазақстандық боксшы келесі кездесуін қыркүйек айында өткізуді жоспарлап отыр.

[media=https://www.youtube.com/watch?v=2SPB_YsVScw]



Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі