Ақберен Елгезек (Құдыреттену)

 Ақберен Елгезек (Құдыреттену)

Бүгін менің бар күшім сенен білем,
Сені көрсем, керемет кемелденем.
Сен тұрғанда дірілдеп ақ қайыңдай,
Мен ішімнен дүр етіп еменденем!

Сені бүтін сыйлаған Аллам маған,
Сені көрсем, ғаламат ғаламданам!
Сен дала боп мейірім төккен кезде,
Ақ төсіңде жол болып тарамдалам!

Әлсіз күйім бұрынғы жырақтаған,
Сені көрсем, құлпыра қуаттанам!
Қара түнде келбетің елестесе,
Нұр шашуға асығып, шуақтанам!

Мұң да енді қоймайды сұрақ маған,
Түнегімде тұншығып шырақтанам!
Шөл ішінде үлбірек гүлім болсаң,
Құм астынан ыршыған бұлақ болам!

Саған тиген жандарға жұтқа айналам,
Сені сүйген жандарға құтқа айналам.
Сен сүйетін әлемді әр таң сайын,
Тазартатын мөп-мөлдір шыққа айналам!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі