Достарға тілек сөздер
Сен аман бол достарым, сен аман бол,
Өздеріңмен әр күнім жайма шуақ.
Қиналғанда қасыма келген кезде
Өздеріңнен тарайды маған қуат.
Жаратқаным жар болсын өздеріңе,
Аспандарың ашық боп оу достарым.
Өздеріңе жақсы күй, шаттық бер деп,
Шын жүректен тілегімді мен бастадым.
Амандықта басымыз қосылсын деп,
Жүрем іштей достарым мен де тілеп.
Отбасымыз, жақынымыз аман болсын,
Бірге соғып достарым біздік жүрек.
Сендер барда достарым!
Сендер барда достарым ашық аспан,
Сегдер барда достарым көңіл тасқан.
Тілейтінім өздеріңе бақыт, шаттық,
Жақсы тілек бар ма өзі одан асқан.
Бұл бақыттың ішінде барлығы да,
Амандығың достарым саулығың да.
Күліп-ойнап шаттанып жүріңдерші,
Тілейтінім сол менің барлығыңа.
Орындалсын армандарың аңсаған,
Тәнті болып өздеріңе барша жан.
Берекелі, мерекелі күн болып,
Оу достарым шарықтай бер, шаршаман!
Пайдалы сілтемелер:
![Досқа тілек]()
Достарыма арналған тілектер
Қуанышты күн бүгін оу достарым,
Қуанышта басымызды қосып отқан.
Дастарханың жайылсын қуанышқа,
Тыныштықта, шаттықта атып ақ таң.
Достығымыз жалғансын, ажырамай,
Көңіліміз шадыман күйде болып.
Бар жақсылық достарым орнасын тек,
Бақ-береке, ынтымақ үйге толып.
Жайқалыңдар достарым тамыр жайып,
Әрбір күннен қуаныш, шаттық алып.
Мықты болсын саулықтарың достарым,
Әрбір күннен шынайы бақыт тауып.
Достар, достар болшы аман!
Достар, достар болшы аман,
Өздеріңмен бақыт табам.
Көктемдей боп құлпырыңдар,
Абыройың артып бағаң.
Көңіліңде мұң болмасын,
Жүріңдерші тек күлімдеп.
Бар жақсылық тек орнасын,
Жүремін мен іштей тілеп.
Арман менен мақсаттарың,
Орындалсын алға қойған.
Шыға берсін жақсы аттарың,
Елің мақтап, көңіл қойған.
Пайдалы сілтемелер:
Достарым-ау, достарым!
Достарым-ау достарым баға жетпес,
Өздеріңдей жан бар ма көңілі кең.
Бар жақсыны тілеймін өздеріңе,
Оу достарым сендерге жүрегіммен.
Көктемдейін құлпырған көңіл-күйді,
Тілеймін мен шаттығың биіктесін.
Жайма шуақ жаздайын жадырай бер,
Күтіп алда тек қана биікте шың.
Қара күздей бет-бейнең сұрланбасын,
Қыстай мықты денсаулық тілеймін тек.
Жаратқаным жар болып әрқашанда,
Жүріңдерші достарым тек күліпдеп...
