Үштағандар - Дүйсенәлі Әлімақын

Мазмұны:

Махаббат. Шырқадым мен тылсым әнді.
Мен біреуге роза гүлін бердім，
Саусағымда сол гүлдің иісі қалды.

Әр таң туса，іңгәлар арманым көп.
Осы мен ақын емес шығармын-ау，
Өйткені，миф тудыра алғамын жоқ.

Бұл өзі сан ғасырлық дерек еді.
Наполеон " Менде нағыз дос жоқ"，- депті，
Соғысқанша дос іздеу керек еді.

Әркім оны жақыннан тыңдауға әуес.
Сенің дауысың емес пе，сенің дауысың
Жүрегімнен естілген жұмбақ дауыс.

Дүние-ай，ерініңнен сүйгізбейсің.
Сенде бары қазірше тек асаулық，
Менде бары қазірше күндіз бен түн.

Ұқсайды қиқуы да，ұшқаны да.
Алматыға топ етіп қона қалған，
Мыналар біздің ауыл құстары ма？！

Мың сағыныш және де мың аңсау бар.
"Біздің бала ауылды ұмытты"，-деп，
Шақшасына түкіріп тұр-ау шалдар.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

29.11.2020