Тележүргізуші болғыңыз келсе...



ТАҒЫ ДА ОҚЫҢЫЗДАР:
Махаббат хикаясы: Көзіңе жас келеді

Тележүргізуші - телеарнаның айнасы, көрерменнің көңілін тауып, ықыласына бөленетін жандар. Тележүргізушілер танымдық - ақпараттық бағдарламалардың тізгінін ұстайды, жеке тұлғамен сұхбат құрып, ортасын қызыққа толықтырады және көрерменнің көңілін көтереді.
Ендеше, тележүргізушіге қойылатын талаптармен таныс болыңыз:
1. Қысылмаңыз.
Тележүргізуші атанғыңыз келсе, қысылып - қымтырылудың қажеті жоқ. Бұл - миллиондаған аудиториямен қарым - қатынастың қайнар көзі. Табиғаттан берілген қасиетіңізді өзгертпеңіз. Бұл тұста актерлік шеберлік курстарына жазылу мен ораторлық қасиетіңізді дамыту артықтық етпейді.
2. Көрікті болыңыз.
Тележүргізушінің дене - бітімі тартымды әрі бет - бейнесі көрікті болуы керек. Телевидениеден әр түрлі адамдарды кезіктіруге болады. Алайда, сырт - келбеті тартымды тележүргізушінің қаралым көп жинайтынын ұмытпаңыз.
3. Жан - жақты әрі білікті болу - шарт.
Тележүргізуші үшін тәжірибенің маңызы зор. Неғұрлым тәжірибе жинасаңыз, соғұрлым шыңдала түсесіз.
4. Даму үстінде болыңыз.
Өздігімен рухани тұрғыда өсу - тележүргізушінің қабілетін безендіре түседі. Сіз көрерменді қызықтыруға тиістісіз. Дүние - танымның кеңдігі, кез - келген тақырыпта әңгіме - дүкен құру, суырыпсалмалық қасиет - нағыз тележүргізушіге тән.
5. Тікелей эфирде барлығына дайын болу.
Тікелей эфир - тележүргізушіні шыңдай түсетін орын. Бұл жерде сіз кез - келген жайтқа дайын боласыз. Ең бастысы - мимикамен, дикциямен күнделікті жұмыс жасау.
•Қолайсыз жұмыс.
Тележүргізуші үнемі классикалық киім киіп, студиялық форматта жұмыс жүргізбейді. Сізге таудан секіріп немесе өзенде жүзіп те сұхбат алуға тура келеді.
▪Жағымсыз пікірлер.
Белгілі тележүргізушіні бірінші күннен - ақ сынап - мінейтіндер табылады. Бірақ, осыған бола алаңдаудың қажеті шамалы. Сіздің танымалдылығыңыз бен біліктілігіңіз - карьераңыздың дамуына септігін тигізетінін біле жүріңіз.


Источник: bilimdiler.kz
ТАҒЫ ДА ОҚЫҢЫЗДАР:
Қырық бір құмалақтың құпиясы





Комментарии для сайта Cackle