Майқы би

 Майқы би

Парақор биге ісің түспесін,
Сараң үйге кісің түспесін.

Естіге айтқан тура сөз,
Шыңға тіккен тумен тең.
Езге айтқан тура сөз,
Құмға сіңген сумен тең.

Қыран қартайса, жағалтайға жаутаңдар.

Тұлпардан тұлпар туады,
Сұңқардан сұңқар туады,
Асылдан асыл туады,
Жалқаудан масыл туады,
Масылдан малықпас туады,
Тілазардан қалжақпас туады,
Таздан жарғақпас туады,
Сараңнан бермес туады,
Соқырдан көрмес туады,
Мылжыңнан езбе туады,
Қыдырмадан кезбе туады.

Көзі қысық, тісі қисық жаудан гөрі, көзі шегір, өзі жемір жаудан ұрпағым көп қорлық көретін болады

Хан қарашасыз болмас,
Дау арашасыз болмас.

Хан – халықтың қазығы,
Қараша – ханның азығы.

Хан өздігінен өлім жазасын қолданбасын.
Өлім жазасын шешетін халықтың өзі болсын.

Ордаңды жұмған жұдырықтай берік ұстасаң,
Халық ешқайда қашпайды.

Хан борышы – жорықта ту көтеру.
Сарбаз борышы – туға еріп жан беру.

Халқыңды билеместен бұрын, өз ордаңды билеп ал.

Дауыл болмай жауын болмас,
Даулы болған қауым болмас.
Егіз ешкі сауын болмас,
Екі жалқау ауыл болмас.

Хан - халықтың қазығы.

Аспан ашық болса,
Күн шуақты болады.
Хан әділ болса,
Халық ынтымақты болады.

Ақиық қыран қартайса,
Жас жағалтайдан тепкі жейді.

Жаман еркек жар қадірін білмес,
Жайсыз әйел ер қадірін білмес.
Жалқау адам тер қадірін білмес,
Жетесіз жігіт ел қадірін білмес.

Жетесіз жігіт - ел қадірін білмес, некесіз әйел - ер қадірін білмес.

Жаман әйел ер қадірін білмес.

Таста тамыр жоқ, ханда бауыр жоқ.

Уәзіріне сырын алдырған хан - қақпанға түскен аң.

Асылдан - асыл туады, жалқаудан - масыл туады.
Мылжыңнан - езбе туады, қыдырмадан - кезбе туады.

Естіге айтқан ақыл сөз - шыңға тіккен тумен тең,
Ессізге айтқан ақыл сөз - құмға сіңген сумен тең.

Сараң үйге - кісің түспесін, парақор биге - ісің түспесін.

Бірлік түбі - береке.

Хан қасында ақылды би болса - қара жерден кеме жүргізеді.

Хан әділ болса - халық ынтымақты болады.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі