Қанатты (нақыл) сөздер: Жүсіпбек Аймауытов

Қанатты (нақыл) сөздер: Жүсіпбек Аймауытов


ТАҒЫ ДА ОҚЫҢЫЗДАР:
Ораза ұстаушыға 13 кеңес

Халық ішінде сұмырай келген жақтан бір апат, не жұт, не ашаршылық болады деген наным бар.

Адам мінезінің, ақыл-қайратының әртүрлі болуы тәрбиенің түрлі-түрлі болуынан... адам баласының ұрлық істеу, өтірік айту, кісі тонау, өлтіру сықылды бұзақылықтарды жасауы, тәрбиенің жетіспегендігінен...

Дәрігерден де тәрбиешінің көп болғаны артық, дәрігер адамның денесін сауықтыратын болса, тәрбиеші адамның ақылын, мінезін, жанын сауықтырады.

Тіл – ішкі сырды сыртқа шығаратын құрал. Әр заманда тіл ішкі сырды әртүрлі шығаратын болған.

...адам баласы ұшқыр ой, көп ақыл, өткіз сезім қайратының арқасында ғылым, білім, өнер тауып, өзгеден үстем дүние жүзінің қожасы болып отыр.

Оқу, білім — жанған шырақ ойласаң,
Үйренерсің, іздеп көрсең — қалмасаң.
Қу өнерді, бу беліңді, жегер сал,
Пайда аларсың, қаужанарасың, тоймасаң.

Баланы бұзуға, түзеуге себеп болатын бір шарт— жас күнде көрген өнеге.

Бала әдетті жасынан тамызықтап жинайды.

Ашық көңілді, сауықшыл ел-жұрттың баласы да сауықшыл, ер болмақ.

Сөз – ойдың айнасы. Ойсыз сөз – сөз болмайды. Ой жетілу мен тіл жетілу қатар жүреді.

Ана тілі – жүректің терең сырларын, басынан кешкен дәуірлерін, қысқасы, жанның барлық толқындарын ұрпақтын-ұрпаққа жеткізіп сақтап отыратын қазына…

Ана тілі халық болып жасалғаннан бері жан дүниесінің айнасы, өсіп-өніп, түрлене беретін, мәңгі құламайтын бәйтерегі.

Сабақ беру – үйреншікті жай ғана нәрсе емес, ол жаңадан жаңаны табатын өнер.

Ерлік, қайрат үнемі ірі жұмыста көріне бермей, күндегі уақ-түйек жұмыста да көрінуі керек.

Ғылым білімге қонады, ғылымсыз білім тым құрғақ.

Мақтаншақ кісі - менмен кісі,
Менмендік - адамның міні.

Адам сүю, күю, азап шегу үшін жаралады екен.

Тәрбие басы – тіл.

Ұстаз ұстаз емес өз шәкiртi үшiн күймесе, шәкiрт шәкiрт емес өз ұстазын сүймесе.

Ұстаз – анаңдай ұлы.

Бiр әрiп үйреткенге 40 жыл сәлем бер.

Адамда аз да болса бір үміт, бір таяныш болу керек. Ондай таяныш болмаса тіршілік етіп не керек

Тіршілікте адам баласы нелер күйге түспек: бейнет шекпек, рахат таппақ, өкінбек, үміт етпек, адаспақ, түзелмек, талай ажалға басын да байламақ, талай соққы да жемек

ТАҒЫ ДА ОҚЫҢЫЗДАР:
Махаббат хикаясы: Махаббат - мәңгі ертегі



00


Комментарии для сайта Cackle