Көр, қабір, ақырет

Көр топырағы көзіңе түспесін,
Сөз салмағы өзіңе түспесін.

Өлсең көрің көң болсын,
Тіріде терің кең болсын.

Біреуге деп көр қазба,
Өзің түсерсің.

Шақырусыз тойға барғанша,
Қазусыз көрге бар.

Өлсем мейлі көріне,
Бір шығайын төріне.

Ер көретінін көрмей
Көрге кірмейді.

Көрде де көзін жұмбайды.

Ескі көр тірілерге үй болмайды,
Тақыр жерде аңшыда күй болмайды.

Ер көрге де күліп кіреді.

Дәулес төрін бермейді,
Өлсе – көрін бермейді.

Аяғыңдағы етігің кең болғаннан не пайда,
Ақыреттегі көрің тар болса.

Бұл өмірдегі ең соңғы баратын жер — көр.

Білім білген пілге мінер,
Білім білмеген көрге түсер.

Әлекпеден қорыққан сиыр жимас,
Ақыреттен қорыққан күнә қылмас.

Әлі жетпеген ақыретшіл.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

10.05.2020