Жұмағали Саин (Достық туы)

 Жұмағали Саин (Достық туы)

Мен білемін. Кешегі майданда өткен,
Достық туын Гитлер атқанда оқпен,
Орыс, қазақ, белорус, украин боп

Сол туға жаудың оғын жолатқан жоқ.
Бірлік, достық бекіді төккен қанмен,
Сіңді бойға адамдық ақыл, армен.

Оны ешбір жау бұза алмас талпынса да
Бұзамын деп оқпенен, бомбалармен...
Сол бірлікпен мызғымас тастай берік —

Сол достық туыменен жауды жеңіп,
Сол туменен советтің халықтары
Коммунизм төріне барады еніп.

Сол туменен топталып берік, нығыз!—
Партияның маңына сайға тығыз —
Тұрмақ мәңгі, советтік байтақ елім,
Берік достық, тап оған берік сенім.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Ораза айт намазы уақыты Қазақстан қалалары бойынша
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!