Өлең: Жұмағали Саин (Бақыт заңы)

Өлең: Жұмағали Саин (Бақыт заңы)


ТАҒЫ ДА ОҚЫҢЫЗДАР:
Қазақта ұмыт болып бара жатқан боза сусыны

Ұлы ойшыл партиямның қолымен
Жазылған заң— халқымыздың бағына,
Төкті күндей ленинизм жолымен
Нұр шұғыласын гүлді болашағыма.
Бұл заң қайнар бұлағынан нәр алған
Парасатты біздің жаңа заманның.
Адам үшін, бақыт үшін жаралған
Жүрегінен ұлы ойшыл данамның.
Әр сөзінде махаббатқа бөлеген,
Адам, сені, сенің келешегіңді.
Шын әкелік қамқорлыққа кенеген
Правоңды, төккен маңдай терінді.
Оқы, дем ал! Даңғыл жол бар, бәрі сай,
ССРО-ның азаматы сен үшін.
Алтынменен заңға жазған осылай,
Деп барлығы ұрпақ үшін, ел үшін.
Бар әлемде адам ұлы күлімдеп,
Бұрды бетін коммунизм таңына.
Бақытым деп, нұрын шашар күнім деп,
Қолын созды бақытты бұл заңыма.

ТАҒЫ ДА ОҚЫҢЫЗДАР:
Ғибрат Бала тілімен



00


Комментарии для сайта Cackle