Эссе: Тәуелсіз Қазақстанның қалыптасуындағы тұңғыш президенттің рөлі

Эссе: Тәуелсіз Қазақстанның қалыптасуындағы тұңғыш президенттің рөлі


ТАҒЫ ДА ОҚЫҢЫЗДАР:
Қол мен тырнақ күтімі. Ерлер білуге тиіс 7 жағдай

Тәуелсіздік! Бұл – халқымыздың талай ғасырлар бойы армандап күткені. Ата-бабаларымыз тәуелсіздік үшін күресті сонау сақ дәуірінен бастаған деп айтсам, қателеспеймін. 18 ғасырдағы жоңғар шапқыншылығынан бастап 1991 жылға дейінгі кезең біз үшін қасіретті де мұңды оқиғаларға толы болса да, еліміздің тәуелсіздікке жету жолындағы тарихымызда орны ерекше.

Тәуелсіз Қазақстанның қалыптасуына қыруар үлес қосқан біртуар тұлғалардың бірі – біздің тұңғыш президентіміз Нұрсұлтан Әбішұлы Назарбаев. Бүгінгі таңда Қазақстан – әлемдік қоғамдастықтың толық құқықты мүшесі, экономикасы мықты, қуатты халқы және болашаққа үлкен жоспарлары бар іргелі мемлекет. Біз тарихымыз бен бастапқы жағдайымыз ұқсас болып келген көптеген елдердің азап шегіп жатқан әлеуметтік және саяси күйзелістерінен құтылдық. Бұл елдер – бұрыңғы КСРО республикалары. Біздің тұңғыш елбасымыз осы жылдың 20-сыншы наурызында өз президенттік қызметін тоқтаса да, оның мемлекетіміздің егемендік жылдарындағы күрделі мәселелерді сәтті шешудегі рөлі айқындықпен ерекшеленіп, есімізде мәңгі қалады. Н.Ә.Назарбаев саяси өзгерістердің алдында даму экономикасын бірте-бірте реформалау жолын таңдады. Ұлт көшбасшысының таңдауының дұрыстығын бейбіт аспанның астында оянып жүрген күндеріміз дәлелдейді. Оның «алдымен - экономика, содан кейін - саясат» деген формуласы арқасында біздің еліміз көптеген жетістіктерге жетіп, «Қазақстанның даму үлгісі» сияқты ұғым кеңінен таралды және ол терең ойластырылған стратегияға негізделген оңай жолмен алға жылжуды білдіреді.

Қысқа мерзім ішінде Қазақстан дербес, саяси және экономикалық тәуелсіз мемлекетке айналды. Тұңғыш елбасымыздың бойында қандай да бір жетістіктерге ұмтылу, үлкен мақсаттарға жету қасиеті бар. Ол болашаққа сеніммен қарап, түбегейлі шешімдердің көпшілігін уақтылы қабылдау арқылы алға бағыттайтын және бұл мемлекет басшысының жыл сайынғы Қазақстан халқына арналған жолдауында көрініс тапты. Біз ТМД елдері ішінде бірінші болып жеке меншікке, еркін бәсекелестікке және ашықтық қағидаларына негізделген нарықтық экономиканың заманауи үлгісін жасадық. Н. Назарбаевтың ақылға салынған және парасатты саясатының арқасында Қазақстан өзін төзімді, зайырлы, заманауи мемлекет ретінде көрсетті. Дүниежүзілік тарих үшін 28 жыл бұл қысқа мерзім, бірақ қазіргі заманғы қарқынды өзгеріп жатқан әлемнің масштабында әрбір жыл біздің еліміз үшін сәтті және мазмұнды болғаны рас. Тұңғыш президентіміздің мемлекеттің дамуына қосқан үлесі - баға жетпес мұра. Сондықтан біз Н. Назарбаевтың еңбегін бағалай және құрметтеу білуіміз қажетпіз!

ТАҒЫ ДА ОҚЫҢЫЗДАР:
Қауіп-қатердің алдын алу дұғасы



Полную версию материала можете скачать на сайте zharar.com через 60 секунд !!!



Комментарии для сайта Cackle